الدرس الاول هدیه الی القاری
یا هله ابعید الله اجانه یا هلــــــــه
بل سماء او لاحت ارسومه یا هله
الناس مبتشره شیوخ او یاهلـــــــه
فتحت ابواب الفرح بحزانهــــــــه
***
هل الهلال الفرح جانه یـــــزور
باسم رمضان انکتب آخر فطور
الناس مهتمه تعاید فی الســحور
شاع بل عالم زهت دیرانهــــه
***
الیوم عید الفطر جتنه فرحـــته
بل هلاهل کل اهلنه اتلگــــــته
امعزب ابیوت الشباب الجابته
دگت الگهوه او یرن فنجانهه
***
اتهنه یا مسلم ابعید الله الکبیــــــر
ساعد المحتاج والجار الفقـــــــیر
الکسّر اجناحه الزمن لتظن یطیر
ابسکته دبر حاله قبل اعلانهه
***
اتبسّم ابوجه الهدالک خوتــــــــه
الصدقه و الخوه و العمه الجرتـه
عاف کل گومه او جماعه القادته
ارجوک زم العتب من میدانــهه
***
لو تعصّب انته عایل بلزلـــــم
ساعة الشیطان شد بیهه الحزم
قاری بل قرآن لو عدک حلم
جوز من العنتکه او خریانهه
***
الیوم جانه العید حلوه دشّــــــته
هله بنجومه او شمسه الجابــــته
عینی بس المره الجاهه طردتــه
صیر سید الخوه و انطر شانهه
***
یا جماعه هذا کافی الکم عتب
هایه عیدیه اهدیهه ابلا سبــــب
تدری لو تحذف کلامی انسحب
زال طور العفرته او جریانهـه
***
احنه کلنه اخوان لازم نتّــــــحد
ما کو ساری طرفی الحاتم یرد
ابونه اادم و امنا حوا مستعد؟
اترس اگلوب ابرحم ولیانــهه
***
جانه عید الله او لازم نستعد
امن الکراهه و العداوه نبتعد
الله فوق الراس ابحکمه ینتقد
ابوک امک خوتک نیشانهه
***
عیدک امبارک او کل یومک سعید
لا تطوف ایام ربک کلهه عــــــــید
الیکره الدشه امن اخوتک لا تزیــد
مره لو یحتام الک شبعانهــــــــــه
***
انه شایف هل زعل آخر زمــــــان
وین بل دنیه بعد یاجد امـــــــــــان
الاخو ما یدری بخوه ابیا مکــــــان
ایزوره بل صوره او یشل ارکانهه
***
بس بعد عندک عقل طوف الفقر
الفقر مو بل مال حتی فی السـتر
الکثّر ابجهله ابساعه ینکـــــسر
بل حرایب دخلت الزندانـــــهه
***
حیل وسّع لل صبر خاطر تشـوف
الصبر مفتاح الفرج یبنی الرئوف
العیله عدیهه المغزلهه یطــــــوف
خاطر الرب زادک ابعنوانـــــهه
***
جمّع اولادک او علمهــــــم درس
حضر الماجود و انسه صید امس
یجی یوم الجیب یخلا ابلافــــلس
تگعد ابفی السگف ضرعانــــهه
***
البسمه لا تنساها و ارسلهه ابسلام
الادب زینه لل رجل و الاحتـرام
کثّر اشما تگدر اداب الکــــــلام
یجی یوم او تندعیک ارسانــــهه
***
عاید الماعنده او بیته خـــــــراب
لا تطوفه یجی من ربک عذاب
من تجفّی تسمع ابصوته عتاب
هدا طبع المشتری ابمیزانــــهه
***
خاف ربک و افعل ابزی الاحکام
لو علت باحد اذهب له او لا تنام
اعتذر منه یزیدک فی مقــــــــام
احسین گایلهه او ابن عدنانـــــهه
***
یا جماعه هایه اطباع القـــــــــــــــــدر
انصوم و انصلی او کاتلنه الســـــــــهر
الحگ امرایه ایراوی صوره کل بشر
المایطیع الحگ لبد بحضانـــــــــــهه
***
آنه ارجو کل سماحه لو خطیت
مانی متعمد الخاطرکم هذیـــــت
انتم اهلی او بلکرامه الکم بدیت
اتبارک الکم بسم کل حسانـــهه
***
عیدکم مبارک و ایامکم سعیده و کل عام و انتم بخیر
جاسم امحمد الجبیره الحسانی الساری
22/05/1391
:: برچسب‌ها:
قصیدة عید الفطر المبارک هدیه الی القاری ,
:: بازدید از این مطلب : 1366
|
امتیاز مطلب : 3
|
تعداد امتیازدهندگان : 1
|
مجموع امتیاز : 1
عضو شوید
عضویت سریع
آمار مطالب
آمار بازدید
